 |
| كعك بعجوة او معروك التمر |
كعك بعجوة او معروك التمر| الشيف لينا عرار
المكونات
⬅4 اكواب طحين
⬅نص كوب سكر
⬅رشة ملح
⬅معلقة صغيرة باكينغ باودر
⬅معلقة صغيرة (محلب ، هيل مطحون، يانسون حب)
⬅1 م ك خميرة
⬅1 م ك زبدة
⬅فنجان قهوة زيت نباتي
⬅كوب ونص حليب سائل
 |
| كعك بعجوة او معروك التمر |
طريقه التحضير
- 4 اكواب طحين ونص كوب سكر ورشة ملح ومعلقة صغيرة باكينغ باودر ومعلقة صغيرة (محلب ، هيل مطحون، يانسون حب) بنحرك النواشف منيح- نضيف 1 م ك خميرة و1 م ك زبدة وبمقدار فنجان قهوة زيت نباتي وبنبسهم بايدنا ( بنفرك الطحين بايدنا لتختفي التكتلات) وبنعجنهم باضافة كوب وربع الى كوب ونص حليب سائل ودافئ بنزلهم بالتدريج ، بعد ما عجنتهم
- لميت العجينة باضافة نص كوب طحين( ان احتاجت) ورشة خفيفة زيت (حسب حاجة العجين) بنتركها تخمر ساعة فاكثر.
- قسمت العجينة لدوائر متساوية تقريبا 7 وغطيتهم يرتاحوا لاحضر العجوة
العجوة
- معجون التمرعجنتو مع رشة خفيفة هيل وبنوخذ اجزاء وبنبرمها حسب طول العجينة.
- بنوخذ قطعة من العجينة بنرشها بالطحين لتفرد منيح بحيث يكون عرض العجينة مو كبير لحتى ما يطغى عطعم العجوة
- بنفرد العجوة بشكل طولي عطرف العجينة وبنبلش لف وبنسكر العجينة مع كل لفة كثير منيح،بس نخلص بنسكر اطراف العجينة وبنلفها بشكل دائري وبنسكر العجينة منيح وبالمقص بنقص اطراف العجينة.
- نضع العجينة بصينية مدهونة زيت وبندهن الوجهة (صفار بيضة ورشة فانيلا ونقطتين خل وبنرش ع الوجه سمسم وشوية حبة البركة.
- بنحمرها بفرن محمى مسبقا من تحت ثم من فوق لتوخذ اللون المميز للمعروك
صحة والف هنا
الشيف 
لينا عرار
لينا عرار
0 comments :
إرسال تعليق