 |
| مقلوبة الزهرة |
مقلوبة الزهرة | الشيف فداء حداد
المكونات
⬅ قطع دجاج
⬅ زهرة
⬅ملح
⬅ الارز
⬅ كركم، بهار السمنة، عيدان قرفة وقرفة مطحونة، هيل، كبش قرنفل
طريقة التحضير
- الدجاج اول شي بقطعه بنضفه وبشيل الجلد و بغسله بمي وملح بعدين مرة تانية بفركه بخل وليمون وملح و بتركه شي نص ساعة منقوع فيهم بعدين بغسله ونضعه بمصفاية
- الزهرة نقطعها ونزيل الزوائد ونعمل القطع كبيرة شوي لانها مع القلي بصغر حجمها و بوعاء غميق برشها ملح كمية منيحة و بكون غليت مي و بصبها فيها وبتركها شي ربع ساعة بعدي بصفيها من المي
- بمقلى عميق ويفضل اله غطاء بحط زيت قلي و بضيف شوي كركم و بهار السمنة مع الزيت لحد ما يسخن
- ببلش بالزهرة ومعروف انه الزيت رح يعشق من طعمها لهيك بقليها اول وبعدين الدجاج حتى يكتسب نكهة منها
- الزهرة برفعها على جنب لما تكون تحمرت و الدجاج لازم يكسب لون غامق لانه رح ارجع اسلقه و يبهت لونه شوي
- بكون بطنجرة تانية سخنت مي وقت الدجاج ما بكون لسه بنقلى ووقت ما يجهز نضعه بالمي و شوي رح تطلع فورة نزيلها كلها و بعدين بحط ملح و عيدان قرفة وهيل وكبش قرنفل مع الغلوة هيك ليستوي الدجاج وبنتاكد بطرف شوكة بنغزها بالصدر لانه هو بحتاج وقت اكتر من الفخدة ليستوي
- بنرتب الزهر بقاع طنجرة و الدجاج معها و رز منقوع بمي دافية نص ساعة بنصفيه من المي بنزيد عيار الملح تبعه ومعلقة بهارات صغيرة مشكلة و قرفة وفلفل اسود كركم وهيل وبهار السمنة
- عادة كاستين ارز مصري مخلوط يكاسة واحدة بسمتي و بديره فوق الزهرة او فيكم تضيفو البهارات مع المرقة بعد ما نصفيها من المطيبات و بهدوء بنديرها على الرز لحتى ما يخرب الترتيب
- في ناس بتحط صحن على الوجه لحتى ما يطيش شي انا ما بحط
- بس لتغلي المي بنسكر الطنحرة لوقت تبلش تنشف نتركها على نار هادية لحد الاستواء تترك 5 دقايق قبل القلب و بطبق كبير تقلب نتركها شوي و بعدين بهدوء نرفع الطنجرة و تنزين بالمكسرات
الف صحة وهنا
الشيف فداء حداد
الشيف فداء حداد
لمشاهدة وصفة مقلوبة دجاج بالخضار | الشيف لينا عرار
0 comments :
إرسال تعليق