 |
| مقلوبة دجاج بالخضار |
مقلوبة دجاج بالخضار | الشيف لينا عرار
الطريقة
بننقع عدد كاسات الارز المرغوبة انا بدمج بين الامريكي والمصري وبحط رشة ملح بمية النقع.بنظف الدجاج جيدا بالملح والخل والليمون.
بطنجرة واسعة بحط رشة زيت بعدها بحط بصلة مفرومة وورق غار ومنكهات (هيل صحيح، قرنفل، قرفة عيدان واي منكهات مرغوبة) بحركهم منيح لتتعزز نكهة البهارات وبنزل الدجاج وبقليه فقط ليوخذ لون وبنقلبو ع الوجهين بعدها بنزل عليه الماء ليغمروا منيح وبنسلقوا ليستوي وبنراعي ما يطول كثير بعد الاستواء حتى ما يذوب وقت التطبيق بس يستوي بنحط الدجاج عجنب وبنصفي مرقة الدجاج.
بنقلي الخضار المرغوبة (زهرة،باذنجان،بطاطا،جزر دوائر) وبنحطهم عورق نشاف.
بنصفي الارز من الماء وبنحط عليه ملح ورشة بهارات مشكلة ورشة هال مطحون.
بالطنجرة بنحط رشة زيت نباتي وبنحط بقاعدة الطنجرة بندورة دوائر ليمنع الالتصاق بعدها اذا حبيتو نفس الشكل بالصورة حترتبوا الباذنجان المقلي بالطول عاطراف الطنجرة بعدها بنحط كمية قليلة من الارز بعدها بنحط كل الخضار المقلية مع رشة ملح بعدها قطع الدجاج بعدها باقي الارز مع رشة ملح وبنغمروا بمرقة الدجاج وبنزود ماء عادي لو احتاج.
بنحطها ع الغاز عنار متوسطة لتغلي بنوطي الغاز وبنتركها تستوي بهدوء
وصحة والف هنا
الشيف لينا عرار
لمشاهدة وصفة مقلوبة الفول | الشيف تهاني التميمي
0 comments :
إرسال تعليق