كيكة الشوكلاتة | الشيف تهاني التميمي

كيكة الشوكلاتة 

كيكة الشوكلاتة | الشيف تهاني التميمي

المكونات

⬅3 بيضات بحرارة الغرفة 

⬅ملعقة كبيرة عصير ليمون 

⬅ملعقة خل صغيرة

⬅ملعقة صغيرة فانيلا

⬅كوب ونص سكر

⬅كوب الا ربع زيت نباتي 

⬅كوب الا ربع حليب فاتر

⬅كوب ونص طحين 

⬅نص كوب كاكاو 

⬅ملعقة ونص كبار باكينج باودر 

⬅رشة ملح صغيرة

طريقة التحضير

- بنخفق 3 بيضات بحرارة الغرفة و ملعقة كبيرة عصير ليمون و ملعقة خل صغيرة و ملعقة صغيرة فانيلا  مع بعض لحتى يتجانسوا وانا عم بخفق بضيف كوب ونص سكر وبخفق لمده 5 دقائق او حتى الخليط يصير لونه فاتح وكثيف ومتجانس 

- بكون مجهزة كوب الا ربع زيت نباتي وكوب الا ربع حليب فاتر وبضيف بالتناوب مرة زيت ومرة حليب مع الاستمرار بالخفق لحتى تخلص الكمية 

-  بكون ناخله كوب ونص طحين مع نص كوب كاكاو وملعقة ونص كبار باكينج باودر ورشة ملح صغيرة بحركهم سوا وبنخلهم مرتين وبضيفهم بشكل تدريجي عالخليط وبهالخطوة ما بستخدم الخفاق الكهربائي وبحرك بالسابتيولا بهدوء لحتى يتجانس الخليط ويختفي كل الطحين 

- بدهن قالب متوسط الحجم بزيت وبرشه كاكاو وبسكب الخليط فيه وبدخله على فرن محمى مسبقا على حرارا 160 وما بفتح عليه قبل 35 د 

الصوص

للوجه استخدمت 3 انواع صوص

- اول اشي شوكلاته (عبارة عن معلقتين كبار نوتيلا مع معلقتين كبار قشطة حركتهم منيح مع بعض ودخلتهم المايكرويف 10 ثواني وسكبتهم مثل غلاف اللكيك) ودخلتها الثلاجة تتماسك وتبرد شوي 

- والثاني الخليط الابيض (دريم ويب وحليب بودرة وربع كوب مي بارده و3 معالق قشطة وخفقتهم وحطيتهم بكيس وعملت خطوط عالكيك )

- الثالث زبده اللوتس

كيكة الشوكلاتة 

صحه وهنا

الشيف  تهاني التميمي

لمشاهدة وصفة  كيكة التشوكلت من دون بيض | الشيف رؤى بنات

مشاركة

وصفاتكم | أشهر الوصفات العربية