لوف اوزبكـي | الشيف تهاني التميمي

لوف اوزبكـي 

لوف اوزبكـي | الشيف تهاني التميمي

المكونات

كيلو لحم خروف قطع 

كوبين رز حبه طويله منقوع بمي دافيه لمدة ربع ساعه( انا استخدمت رز شعلان).

4 جزرات مقطعات اصابع رفيعه بطول مناسب.

كوب زبيب او اقل حسب الرغبه.

نص كوب حمص حب مسلوق،،بصله مقطعه جوانح.


راس ثوم كامل بنعمل فيه ثقوب بالسكينة.

زيت قلي. 

( ملح ، فلفل اسود ، م.ص بهار مشكل ، م.ك كمون حب، نص م.ص نبتة البربيس ازا متوفرة ، صفار زعفران او اي ملون غذائي ، م.ص معجون بندوره حسب الرغبه)(حب هيل و ورق غار و فلفل اسود و حبة لومي)

لوف اوزبكـي 

طريقه التحضير

- بسلق اللحمه مع هيل،ورق غار،فلفل ولومي.

- بطنجره عالنار بحط كمية وفيرة من الزيت ، بقلي الجزر و بطلعه بحطه ع جنب .

- بقلي الزبيب و بحطه عجنب.

- بعدين بنزل البصله و بقلبها و بنزل قطع اللحمه المسلوقة و بقلبها بنفس الزيت حتى تاخود لون حلو

- هلا بضيف نص كمية الجزر و نص الزبيب و بضيف ملح و فلفل و كمون حب و بربريس وبهار مشكل و صلصة بندوره و بقلبهم سوا .

- بصفي كمية مناسبة من مرقة اللحمه فوقهم و بتركهم يغلوا سوى 5 دقايق 

- بضيف الرز بحيث انه المي تكون اعلى من الرز بمقدار 2 سم .

-  بترك الرز يغلى على نار عاليه حتى تختفي المي الزياده و هلا بضيف التوم و الفلفل الحار و باقي الزبيب و الجزر و الحمص على وجه الرز و برش رشة كمون حب و بسكر الطنجره و بحط بشكير مطبخ تحت الغطا و بتركها تستوي على نار هاديه جداا.

- بس يستوي الرز بدوب ربع م.ص صفار زعفران بمعلقتين مرقة بضيفهم بشكل عشوائي على وجه الرز .

- بسكر الطنجره و بطفي النار و بتركها مغطيه لمدة ربع ساعه و بعدين بقدمها .

لوف اوزبكـي 

لوف اوزبكـي 

 صحتين

الشيف   تهاني التميمي

مشاركة

وصفاتكم | أشهر الوصفات العربية