 |
| الكريب المالح |
الكريب المالح | الشيف لينا عرار
وصفة الكريب 
بنخفق المكونات سوا (كوب حليب سائل، 2 حبة بيض ، ثلثين كوب طحين ، رشة ملح ، معلقة صغيرة سكر ، معلقة كبيرة زيت نباتي او زبدة)بعد الخفق بنغلفهم وبنتركهم بالثلاجة نصف ساعة.
بنحمّي المقلاة وبنحط مسحة زيت او زبدة لمرة واحدة فقط وبنرفع المقلاة وبنحط مقدار يغطي كل المقلاة وبنحرك المقلاة ليتوزع الخليط وبنرجعها ع الغاز بس تنشف الاطراف بنقلبها بالايد افضل حتى ما تتمزق وبنحطها داخل فوطة نظيفة حتى ما ينشفوا.
 |
| الكريب المالح |
حشوة الدجاج 
بصلتين مفرومات بنشوحهم بشوية زيت زيتون مع ثوم مهروس وبنزل عليهم فطر او اي خضار بتفضلوها بعدها بنحط صدرين دجاج مفرومات مربعات صغيرة ومتبل ب (ملح،بابريكا،ثوم وبصل بودرة،اوريجاتو،ريحان) بنشوحهم ليستوي الدجاج وتقريبا تنشف ميتو بنحط معلقة كبيرة صويا صوص ومثلها كاتشب. |
| الكريب المالح |
صوص البشاميل
ربع اصبع زبدة (25غ) مع ثلاث معالق كبيرة طحين ومربع ماجي ورشة فلفل اسود بنحركهم منيح ليختفي الطحين بنضيف مع استمرار التحريك ثلاث اكواب ونصف حليب سائل كامل او قليل الدسم حسب الرغبة وبنستمر بالتحريك ليثقل القوام
بالعافية
الشيف 
لينا عرار
لينا عرار
0 comments :
إرسال تعليق